LAJMI I FUNDIT | Kevin Prins Boateng transferohet te gjiganti spanjoll

Gjithçka është kryer në fshehtësi dhe Barcelona ka punuar shpejt, duke përforcuar ekipin me një tjetër lojtar. Katalanasit kanë arritur akordin me Sasuolon për shërbimet e Kevin Prins Boateng, i cili do të luajë në një ekip me Mesin.

Sipas “Gianlucadimarzio”, ganezi do të kalojë në huazim te Barcelona për shumën e 2 milionë eurove, me të drejtë blerje në fund të sezonit për 8 milionë euro të tjera. Operacioni i 31-vjeçarit shkon në 10 milionë euro në total.

Boateng ka zhvilluar këtë sezon me Sasuolon 13 ndeshje në kampionat dhe ka shënuar 4 gola, ndërsa numëron dhe dy ndeshje e një gol të shënuar në kupë. Ai është një lojtar që pëlqehej nga trajneri Valverde dhe mund të luajë disa role, si në mesfushë dhe në repartin e sulmit.

Bëhet fjalë për një rikthim të Boatengut në La Liga, pasi gjatë sezonit 2016/2017 ishte pjesë e Las Palmasit, ku në 28 ndeshje shënoi 10 gola dhe dhuroi 5 asiste.

Leave a Reply

Your email address will not be published. Required fields are marked *