Janë luajtur sot ndeshjet e javës së fundit të Bundesligës së dytë gjermane. Skuadra që do t’i bashkohet Këlnit në Bundesligën e parë është Paderborni. Ekipi ku luan mesfushori shqiptar Klaus Gjasula u mund nga Dinamo Dresden 3 – 1, por fatmirësisht për ta, ndjekësit e Union Berlin nuk mundën të shfrytëzonin këtë hap fals duke barazuar në ndeshjen e tyre.
Në fundin e tabelës situata qëndron a pandryshuar. Ingolshtadi i Mërgim Mavrajt u mund 4 – 2 nga Hajdenhejm. Tani ekipit të kapitenit të kombëtares sonë i duhet të marrë pjesë në ndeshjen play-out me dy takime me skuadrën që u rendit vendin e trete të kategorisë së tretë, Vehen Viesbaden.
Standings provided by Sofascore LiveScore