Formacioni i karrierës, trajnerët shqiptarë zbulojnë më të mirët

0

Nga sot nis një vit i ri dhe “SportEkspres.com” dëshiron më të mirat për të gjithë shqiptarët kudo që janë dhe në veçanti për ata që na ndjekin dhe na lexojnë. Vlerësimi i punës tonë bëhet pikërisht nga ju dhe gjatë vitit që iku jemi munduar të tregohemi sa më profesionalë dhe të sjellim informacione për ekipet tuaja të zemrës, qoftë shqiptare, qoftë të huaja.

Duam ta nisim vitin me një njoftim që lidhet me një speciale të përgatitur nga ne gjatë muajit dhjetor dhe që do ta prezantojmë nga sot. Të përzgjedhur nga ana jonë, janë 11 trajnerë të cilët kanë zbuluar formacionin e tyre të karrierës.

Sulejman Starova, Mirel Josa, Shpëtim Duro, Sulejman Mema, Armando Cungu, Hasan Lika, Agim Canaj, Ernest Gjoka, Shkëlqim Muça, Stavri Nica dhe Gugash Magani kanë përzgjedhur formacionet me lojtarët më të mirë që kanë pasur nën urdhra në ekip të ndryshme.

Një ftesë nga ana jonë shkoi edhe për Ilir Dajën, trajnerin aktual të Flamurtarit. Përgjigja ishte negative dhe ndoshta gjatë këtyre ditëve, duke parë që kolegët e tij kanë pranuar, ku i dihet edhe mund të ndryshojë mendje. Nga sot, vjen formacioni i parë i karrierës.

Nga ora 19:00 nis publikimi i artikujve të kësaj specialeje. Prisni të zbuloni  formacionin e “yjeve”. Në ditët në vijim – ora 11:00 dhe 19:00 – do t’i zbuloni një e nga një formacionet më të mira që kanë përzgjedhur trajnerët e përfshirë në këtë anketë nga ana jonë.

You might also like

Leave A Reply

Your email address will not be published.