50 mijë € dhe shumë dritëhije, Partizani duhet të vendosë

0

Shumë besim rreth tij në verë, po ashtu shumë mbështetje edhe në daljet mediatike të trajnerit Skënder Gega. Rubin Hebaj gjithsesi kur sezoni po shkon drejt fundit ka shënuar vetëm 4 gola, dygolësha ndaj Tiranës dhe Flamurtarit. Kjo është shifra ku është ndalur edhe te Vllaznia e Domzhale. Gjithsesi një dëmtim së fundmi e ka penalizuar shkodranin.

Hebaj u mor për të qenë sulmuesi kryesor dhe në fillim ishte titullar. Shtatë ndeshje i nisi nga minuta e parë dhe më pas trajneri Gega zgjodhi të luajë me Bardhin në majë të sulmit. Shkodrani ishte gjithmonë gati për të dhënë kontributin e tij dhe ka zbritur në fushë 14 herë si zëvendësues.

E ARDHMJA – Kanë mbetur edhe tre javë kampionat dhe është momenti që në klubin e kuq të vendosin. Janë të shumta arsyet pse palët mund të ndahen. Hebaj te Partizani është transferuar nga Domzhale me formulën e njohur huazim me të drejtë blerje.

Sezoni i tij ka qenë plot dritëhije dhe Partizani zor se do ta aktivizojë klauzolën, që kap shifrën e 50 mijë eurove. Gjithashtu edhe paga e lojtarit nuk ka qenë e vogël dhe në klubin e kuq ekziston një mendim që sulmuesi  nuk e ka justifikuar shpenzimin e tyre. Kështu e ardhmja e Hebajt duket të jetë e destinuar në Slloveni, ku pritet të kthehet me përfundimin e kampionatit. Koha për një rinisje të re.

You might also like

Leave A Reply

Your email address will not be published.

This site uses Akismet to reduce spam. Learn how your comment data is processed.