Trajneri Kristian Panuçi e paralajmëroi në konferencën e djeshme për shtyp se mund të kishte një tjetër lëvizje në listë dhe kështu ka ndodhur. Mbrojtësi Ivan Balliu nuk është lejuar të bashkohet me kombëtaren nga francezët e Metz dhe kjo ndodh për të dytën herë.
FSHF e ka ftuar atë 13 ditë përpara, por te Metz kanë qenë të vendosur të zbatojnë rregulloren. Kështu Panuçi ka ftuar një tjetër lojtar për krahun e djathtë të mbrojtjes, pasi Elseid Hysaj është i pezulluar me kartonë.
Kështu Egli Kaja do të jetë në dispozicion të trajnerit italian për ndeshjet me Skocinë dhe Uellsin. Vetë lojtari e ka njoftuar diçka të tillë dhe për këtë ndihet shumë i lumtur.
Grateful for another call up to the Albanian National team. Big games ahead! ?????? #kuqezi pic.twitter.com/9kqEzR6o4I
— Egli Kaja (@E_Kaja10) November 12, 2018