Milani ka siguruar shërbimet e talentit francez Liroi Abanda Mfomo. Mbrojtësi i krahut të majtë vjen nga akademia e Monakos, ku ishte një ndër lojtarët më të dalluar në kompeticionin “UEFA Youth League”.
Kontrata e mëngjarashit të talentuar me klubin nga Principata mbaronte në fund të këtij sezoni dhe kjo gjë u shfrytëzua nga drejtuesi i Milanit, Leonardo, i cili është një njohës shumë i mirë i futbollit francez.
Abanda Mfomo është vetëm 18 vjeç dhe për pjesën tjetër të sezonit do të aktivizohet me ekipin Primavera. Kontrata e francezit me “djallin” zgjat deri në vitin 2024.