Janë dashur të kalojnë 31 minuta për t’u zhbllokuar sfida midis Juventusit dhe Totenhemit. Anglezët kanë kaluar në avantazh me anë të Erik Lamelës, i cili ka mposhtur Bufonin.
Matuidi ka gabuar me një pasim mbrapa dhe finalistët e Champions Ligës kanë shfrytëzuar rastin për t’u nisur rrufeshëm drejt portës së Juventusit.
Kundërsulmi i shpejtë është konkretizuar me golin e argjentinasit, i cili nuk e ka patur të vështirë të shënojë me portën bosh.