VIDEO | Tension në Barcelonë, gjeste të shëmtuara të tifozëve të Liverpulit

0

Tifozët anglezë të Liverpulit kanë mbërritur në Barcelonë. Ata ecin nëpër rrugët e qytetit duke kënduar për ekipin e tyre të zemrës bashkë me gotat e birrës në dorë, që është një “aksesor” i pandashëm për to. Një pjesë e tyre janë të dehur dhe nuk janë aq koshient se çfarë po bëjnë. Një ngjarje aspak e këndshme ka ndodhur në një nga shatërvanët e vendosur në qendër të qytetit katalanas.

Mes tifozëve të dehur kishte edhe turistë. Këta të fundit kanë rënë viktimë e shakave pa kripë të mbështetësve të “The Reds”. Një tifoz i pirë e ka shtyrë dhe e ka hedhur në ujë një turist të moshuar. Të qeshurat e kanë shoqëruar gjestin e tij të shëmtuar dhe askush nuk ka shkuar për ta ndihmuar.

Tifozë të Liverpulit kanë zbarkuar që dje në Barcelonë. Ata nuk kanë një sjellje korrekte dhe për këtë kanë ardhur arrestimet e para nga policia. Shumica prej tyre akoma nuk e ka siguruar një biletë për të hyrë në stadium.

You might also like
Leave A Reply

Your email address will not be published.