Milot Rashica po kalon një formë të shkëlqyer te Verder Bremen. Djaloshi nga Vushtrria zhbllokoi takimin ndaj Augsburgut me një gol në minutën e 5-të të takimit dhe në minutën e 28-të shënoi golin e tretë për Verderin. Me dy finalizmet e sotme, Rashica regjistron katër gola në katër ndeshjet e fundit.
Në të dyja golat Rashica tregoi cilësitë e tij të admirueshme me shpejtësinë, driblimin dhe finalizimin perfekt.
Rashica nuk pati një fillim të mirë te sezonit te Verderi, pasi trajneri Florian Kohfeldt nuk ishte krejtësisht i bindur te aftësitë e 22-vjeçarit, por me kalimin e kohës sulmuesi nuk u dorëzua dhe arriti të fitojë besimin e teknikut gjerman.