Arjen Roben është pjesë e Bajernit të Mynihut prej 10 vitesh, që nga vera e vitit 2009, kohë kur u ble nga Reali i Madridit. Mesfushori anësor ka qenë një ndër lojtarët më të rëndësishëm të gjermanëve gjatë një dekade, teksa në fund të këtij sezoni do të largohet nga Mynihu.
Një ditë më parë, në faqen zyrtare të saj, “Bundesliga” ka postuar një video në nder të “Holandezit Fluturues”, ku shfaqen 10 golat më të bukur të Roben gjatë 10 viteve të tij në elitën e futbollit gjerman.
35-vjeçari ende nuk e ka bërë me dije destinacionin e ri, ose nëse do të mbyllë më futbollit, por diçka është e sigurt, largimi nga Bajerni. Gjithsesi, më poshtë keni 10 perlat e Roben, ku asnjë nuk duhet humbur…