Kastrioti i bëri “gjëmën” Flamurtarit në ndeshjen e fundit dhe mërzia duket se ka kaluar, të paktën për Danilo Alvesh dhe Elton Kalen. Alvesh nuk është i gatshëm që nga ndeshja me Kukësin, për shkak të një problemi fizik.
Gjithsesi, sulmuesi mund të jetë gati për takimin e radhës me Laçin, pasi nga një video e postuar në profilin e tij në “Instagram”, shihet në dhomat e zhveshjes duke kërcyer së bashku me bashkëkombësin e tij Elton Kalen.
Mbi video shkruhet: “Uilliam Kordeiro, shiko si kërcen vogëlushi atje Elton Kale”. Duke parë videon Alvesh duket në humor dhe ku i dihet mund t;i rikthejë buzëqeshjen edhe Dajës nëse do të jetë në fushë më datën 9 dhjetor.