U duk sikur Lacio rezistoi dhe Milinkoviç-Saviç do të vazhdonte të qëndronte tek ekipi roman, por diçka po lëviz dhe serbi është në radarët e PSG. Siç citon “le10sport.com”, drejtori sportiv i kampionëve të Francës, Antero Henrike, është takuar në Paris me ndërmjetësin Pini Zahavi dhe një nga menaxherët e mesfushorit, Zoran Vekiç (Mateja Kezhamn është menaxheri tjetër).
Lotito kërkon mbi 100 milionë euro për kartonin e 23-vjeçarit dhe PSG është i gatshëm të shpenzojë për t’i dhuruar trajnerit Tuhel një përforcim në mesfushë.
Francezët fituan 40 milionë euro nga shitja e portugezit Guedes te Valencia, ndërsa tashmë janë gati për të arritur akordin me lojtarin dhe klubin lacial.