Mbrëmjen e nesërme Interi do të presë Barcelonën në “San Siro” në një duel, që për tifozët interistë kujton edhe vitin 2010, ku fituan ndaj Barçës 3-1 në shtëpi dhe fundi i sezonit përfundoi me tripletën. Gjithsesi, kohët kanë ndryshuar dhe Interi është rikthyer të luajë në Champions, pas shumë viteve mungesë.
Për sfidën që do të luhet nesër, klubi zikaltër ka arritur një rekord, për sa i përket klubeve italiane. Ka të bëjë më përfitimet financiare që vijnë nga shitja e biletave. “San Siro” do të jetë i mbushur në çdo cep për këtë ndeshje dhe klubi i Interit do të përfitojë rreth 5.8 milionë euro nga shitja e biletave. Një shifër jashtëzakonisht e madhe, pasi bëhet fjalë vetëm për shitjet e biletave.