Kristiano Ronaldo është kthyer sot në Madrid, por jo te Reali. Sulmuesi i Juventusit është paraqitur në gjykatë i shoqëruar nga bashkëshortja Xheorxhina Rodrigez për akuzat e shtetit spanjoll për evazion fiskal. Portugezi u akuzua nga një prokuror i vendit iberik se nuk kishte paguar 14.7 milionë euro taksa gjatë periudhës që luante me Realin.
Ylli i bardhezinjve kishte përdorur kompani të ndryshme me seli jashtë Spanjës për të fshehur fitimet nga të drejtat e imazhit. Ronaldo nuk i pranoi akuzat në fillim dhe insistonte në pafajësinë e tij, ndërsa tashmë ka pranuar gjithçka. Ai ka rënë dakord me akuzën për 2 vite burg, ndërsa marrëveshja do e detyrojë të paguajë rreth 19 milionë euro gjoba.
33-vjeçari është lodhur nga kjo histori, madje pretendohet që kjo është një nga shkaqet e largimit të tij nga Reali i Madridit. Florentino Perez nuk e ndihmoi fare në këtë çështje dhe ai zgjodhi të vazhdonte karrierën në Serie A.
WATCH: A smiling Cristiano Ronaldo appears in a Madrid court as he avoids 2 years in jail by paying a 19 million euro fine to tax fraud charges pic.twitter.com/w46acESv4e
— TicToc by Bloomberg (@tictoc) January 22, 2019
Ronaldo nuk do të bëjë asnjë ditë burg, pasi nuk është dënuar kurrë më parë. Gjithçka do të mbyllet me pagimin e 19 milionë eurove, ndërsa pas daljes nga gjykata ai u shpreh shkurt duke buzëqeshur: “gjithçka perfekte”. Në hetimin e autoritete spanjolle kanë përfunduar dhe emra si: Leo Mesi, Zhoze Murinjo, Luka Modriç, Marselo, Aleksis Sançez, Havi Maskerano, Angel Di Maria dhe Radamel Falkao.
I fundit është Ksabi Alonso. Ish-mesfushori akuzohet për fshehjen e 2 milionë eurove taksa gjatë viteve 2010-2012 dhe sot do të dalë para gjykatës. Alonso rrezikon deri në 5 vite burg, ndërsa gjithçka mund të mbyllet me pagimin e 6 milionë eurove (2 milionë të papaguara dhe 4 të tjera në formë gjobe).