Që të jesh në gjendje të luftosh për trofe, duhet krijuar një skuadër sa më e plotë, ku dhe në stol duhet të kesh lojtarë cilësorë. Skuadra e Napolit ka luftuar me Juventusin këto vitet e fundit për titullin kampion në Serie A, por kontingjenti nuk ka qenë asnjëherë i plotë.
Ardhja e Ançelotit solli shpresë te napolitanët, por as tekniku i mirënjohur italian nuk ka arritur të ndërtojë një skuadër rivale të denjë për Juventusin. Madje, Ançeloti ka dhe një rezervë të kotë në stol…
Bëhet fjalë për portierin të ardhur në huazim nga Arsenali, David Sopina. Kapiteni i kombëtares kolumbiane ka shumë cilësi, por Ançeloti nuk e përdor dot, për shkak të një klauzolë që i ka vendosur klubi i Arsenalit. Nëse Ospina luan rregullisht me Napolin, skuadra italiane duhet të paguajë para për shërbimet e tij dhe kjo gjë nuk është preferuar nga Ançeloti dhe bordi drejtues. Me shumë gjasa, gardiani kolumbian do të rikthehet në Londër.
