“Perez e Bejl jashtë!”, tifozët e Realit kërkojnë një rikthim të bujshëm

0

Madridi është kthyer në një vullkan, që praktikisht ka shpërthyer pas dy disfatave të fundit në El Clasico, të dyja në Bernabeu, përballë një Barcelone madhështore, por që nuk u duk në maksimumin e vet dhe nuk pati nevojë as për sforcimin maksimal të Lionel Mesit.

Në krahun tjetër, Reali ishte mediokër në aspektin sulmues, duke mos konkretizuar rastet e krijuara dhe duke konfirmuar se largimi i Kristiano Ronaldos ishte një gabim i rëndë. Nuk është vetëm çështja Ronaldo, sepse gjithçka është bërë gabim këtë sezon dhe tashmë tifozët e kanë humbur durimin.

Në shënjestër është presidenti Florentino Perez, që ka shpenzuar miliona për të rinj që nuk dihet a do bëhen ndonjëherë yje të denjë për Realin, por nuk erdhi askush për të zëvendësuar Ronaldon. “Perez fuera” gjëmonte jashtë Bernabeut, por nuk mbaron me kaq, sepse tashmë tifozët i kanë bërë dalje edhe Geret Bejlit, objekt misterioz dhe kurrë pjesë e vërtetë e Realit.

Edhe trajneri Santiago Solari është tashmë një “ish” për tifozët, të tërbuar me trajtimin ndaj Iskos, ndërkohë që sa vijnë e shtohen zërat që duan rikthimin e Zhoze Murinjos në Madrid. Në një klub kaotik, vetëm një si ai mund të vendosë rregull.

You might also like
Leave A Reply

Your email address will not be published.