Mohamed Salah bëri një tjetër sezon të shkëlqyer me Liverpulin, duke fituar për herë të dytë radhazi “Këpucën e Artë” në Premier League. 22 gola dhe 8 asiste në Premier League, Salah ishte vendimtar për të kuqtë e drejtuar nga Jurgen Klop, por sërish nuk arriti te titulli kampion.
Paraqitjet e shkëlqyera të Mo Salah, kanë bërë që Reali i Madridit të insistojë për shërbimet e tij, pasi te “Los Blancos”, e shohin si pasuesin ideal të Gareth Bejl, që me shumë gjasa do të largohet. Por Liverpuli nuk do kurrsesi të heqë dorë nga lojtari më i mirë i skuadrës.
Megjithatë, një ofertë më e lartë se 100 milionë euro e Realit mund të bindë drejtuesit që të heqin dorë nga shërbimet e egjiptianit, i cili u transferua për vetëm 40 milionë euro nga Roma dy sezone më parë.
