Ajaksi e ka shumë të vështirë për të mbajtur “yjet” e saj në ekip. Ofertat në drejtim të lojtarëve janë të shumta dhe e fundit ka ardhur për David Neres.
Braziliani 22-vjeçar zhvilloi një sezon fantastik, duke numëruar 12 gola të shënuar dhe 15 asiste të dhuruara për shokët e tij. Kontrata e tij me “Harkëtarët” përfundon në verën e vitit 2022, por Neres mund të ndërrojë kontinent
Sulmuesi i krahut, i cili bën mirë të gjitha rolet e repartit ofensiv, kërkohet në Kinë. Milionat e vendit aziatik e tundojnë pa masë, ndërsa Ajaksi e ka të qartë: kush dëshiron Neres, duhet të paguajë 80 milionë euro.