PSG u mund nga Liverpuli mbrëmjen e djeshme në një ndeshje shumë emocionuese. Edhe pse kampionët e Francës arritën që të barazonin edhe pse e panë veten në disavantazhin e dy golave, në fund ishte Firmino, ai i cili vendosi rezultatin final, edhe pse kishte hyrë si zëvendësues.
Pas ndeshjes, braziliani nuk mund të largohej pa folur për mediat. Në zonën “miks”, gjatë kohës që sulmuesi po i përgjigje pyetjeve të gazetarëve, është afruar dhe bashkëkombësi i tij, Nejamr, për ta përgëzuar për suksesin e arritur dhe për golin e tij, që ishte dhe më vendimtari.
“Urime, bëre një ndeshje të mirë”, u shpreh lojtari i PSG-së, diçka që u regjistrua dhe nga kamerat që ishin aty. Një veprim për t’u përshëndetur ky, pasi edhe pse kishte humbur në fund i shtrëngoi dorën fituesit, ashtu siç duhet të ndodhë në çdo ndeshje. Gjithsesi, Nejmar ishte dukshëm i zhgënjyer.
https://twitter.com/FCLNJROFICIAL/status/1042184387616493569?ref_src=twsrc%5Etfw%7Ctwcamp%5Etweetembed%7Ctwterm%5E1042184387616493569&ref_url=http%3A%2F%2Fwww.sportbible.com%2Ffootball%2Fnews-neymar-embraced-roberto-firmino-after-his-late-winner-against-psg-20180919