Zhose Murinjo u shkarkua një ditë më parë nga detyra e trajnerit të Mançester Junajtid. Pesë javët e fundit Mançesteri mori vetëm një fitore, ndërkohë që u mund së fundmi u mundën nga Valencia dhe Liverpuli. Drejtuesit nuk pritën shumë dhe e larguan portugezin, pozicioni i të cilit ishte lëkundur shpesh gjatë këtij kampionati.
Ndërkohë është gjetur edhe zgjidhja e përkohshme: Ole Gunar Solskajer do ta drejtojtë Mançester Junajtedin deri në fund të këtij sezoni. Një “ish” i këtij ekipi, teksa ka dhënë kontribut të vyer si futbollist me skuadrën britanike.
We can confirm that Ole Gunnar Solskjaer has been appointed as caretaker manager until the end of the 2018/19 season.
He will be joined by Mike Phelan as first-team coach, together with Michael Carrick and Kieran McKenna. #MUFC
— Manchester United (@ManUtd) December 19, 2018
“Konfirmojmë që Ole Gunar Solskajer është përzgjedhur si trajner i përkohshëm deri në fund të sezonit 2018/19. Ai do t’i bashkohet Majk Pelan si trajner i parë, së bashku me Majkëll Kerrik dhe Kieran KëkKena”, shkruhet në njoftimin e klubit anglez.
Solskajer prej tre sezonesh ishte në krye të skuadrës norvegjeze të Moldes, madje këtë verë u përball me Laçin në Europa League. Sigurisht skuadra e tij u kualifikua dhe tashme 45-vjeçari rikthehet në Mançester. Më parë, në periudhën 2008-2011, Solskajer ka drejtuar rezervat e Junajtid dhe tashmë do të ketë mundësinë të drejtojë ekipin e parë. Drejtuesit ndërkohë do kërkojnë të gjejnë një zgjidhje përfundimtare për pankinën.