Zinedin Zidane me ardhjen e tij ka nxitur edhe më shumë interesin e Realit të Madridit për Pol Pogba. Trajneri i rikthyer i madrilenëve ka pohuar se ka simpati për kampionin e Botës. “France Football” shkon më tej.
Revista e mirënjohur ka postuar sot në profilin e saj në internet faqen ë parë të revistës që do dalë nesër ne shitje. Lajmi që ka më shumë interes është se kampioni i Botës do transferohet tek Reali i Madridit në verë dhe në Francë duket se janë të sigurt për këtë.
Më poshtë revista ka publikuar disa arsye se përse francezi do të shkojë në Madrid. Dëshira e tij për të fituar Topin e Artë sfumohet nëse Mançester Junajtid nuk kualifikohet në Champions vitin tjetër. Gjithashtu bashkimi me Zidanin tek madrilenët do t’i siguronte yllit francez më shumë trofe dhe prestigj.