Ditën e sotme klubi i Romës ka zyrtarizuar si blerjen më të re Xhanluka Mançinin. 23-vjeçari ka zbarkuar në për të kryer vizitat mjekësore, që pasohen nga firma mbi kontratë.
Mbrojtësi që aktivizohej me Atalantën do të vijë në formën e huazimit për 2 milionë euro për t’u blerë sezonin e ardhshëm në këmbim të 13 milionëve të tjerë.
Më pas klubi nga kryeqyteti do të derdhë një tavan që arrin në 8 milionë euro bonuse, sipas nivelit të paraqitjeve të lojtarit. Atalanta gjithashtu do të mbajë 10% të kartonit të mbrojtësit.
Mançini ka firmosur për pesë vite me Romën, kontratë që e mban në klubin verdhekuq deri në vitin 2024. Sezoni i fundit ishte më i miri në karrierë, duke luajtur 30 ndeshje dhe kontribuar në 7 gola. Shifra mjaft të mira për një mbrojtës qendre.
?? Benvenuto a Roma Gianluca Mancini ??
?? https://t.co/DaXNYkL6TO#ASRoma pic.twitter.com/WjHG1FCjnF
— AS Roma (@OfficialASRoma) July 17, 2019