Diçka ka ndodhur ndërmjet Realit të Madridit dhe Kejlor Navas. Portieri nuk po përjeton një moment të mirë, ashtu si edhe pjesa tjetër e skuadrës.
Vetëm dy ndeshje në La Liga dhe tre në Champions League. Më tej shumë stol, për t’i lënë vendin Kurtua. Një situatë e sikletshme, të cilën edhe trajneri Solari refuzon t’a sqarojë, madje duke u larguar nga gazetarët.
Kjo ndodhi pas ndeshjes me CSKA-në e Moskës. Në zonën miks, pyetjes përse Navas nuk luan, Solari i’u përgjigj: “Janë vendimet e mia dhe përgjegjësia është e imja”. Pas këmbënguljes së gazetarit, trajneri kërkoi leje dhe u largua.