Jo të gjithë janë të kënaqur te Çelsi pas emërimit të Mauricio Sarrit si trajner. Ka edhe nga ata lojtarë që nuk kanë hapësira dhe njëri prej tyre është mbrojtësi Geri Kahill. 32-vjeçari i kombëtares angleze e ka bërë me dije para pak kohësh se do të flasë me italianin.
Ai kërkon të luajë, ndryshe është gati që të largohet që në muajin janar. Këtë situatë kërkon ta shfrytëzojë Mançester Junajtid, që verës kërkoi një qendërmbrojtës dhe në fund nuk e mori një të tillë.
Murinjo do e donte Kahill në skuadër, pasi bëhet fjalë për një mbrojtës me eksperiencë që do t’i bënte shumë punë portugezit te “Djajtë e kuq”.