Milani ka zgjedhur trajnerin e ri. Marko Xhampaolo do të ulet në stolin e kuqezinjve për dy vitet e ardhshme. Pritet vetëm firma, por marrëveshja është arritur.
Ish-trajneri i Sampdorias ka pranuar ofertën dy-vjeçare me opsion rinovimin edhe për një vit tjetër, ndërsa rroga e tij sezonale do të jetë dy milionë euro.
51-vjeçari i lindur në Zvicër ishte zgjedhja e dyshes Maldini-Gazidis. Milani është klubi i parë i madh që do të drejtojë Xhampaolo. Puna e tij e madhe e zhvilluar me Sampdorian dhe futbolli i bukur që pëlqen të dhurojë bindën drejtuesit kuqezinj t’i jepnin shansin e drejtimit të skuadrës.