Dejan Blazhevski, sulmuesi maqedonas i Tiranës, është dëmtuar së fundmi dhe shqetëson bardheblutë para transfertës me Flamurtarin në Vlorë. Shënuesi më i mirë i kryeqytetasve, me tre gola të realizuar, ende nuk është rikuperuar.
Ai ka udhëtuar drejt Maqedonisë, aty ku po kryeson fazën riaftësuese dhe shpresohet shumë që të jetë gati për ndeshjen me vlonjatët. Shtyrja për të hënë ka rritur shpresat dhe stafi mjekësor është optimist se sulmuesi do të jetë gati.
Stafi teknik ndërkohë nuk do të ketë gati për ndeshjen e radhës sulmuesin Namdi Oduamadi, i cili ka pasur një problem me klavikulën. Nigerianit do t’i duhet edhe pak kohë për të qenë nën urdhrat e trajneri Mema.