Presidenti i Lacios ka folur në lidhje me situatën e klubit të tij. Një ndër temat më delikate është largimi i një prej lojtarëve më të talentuar, Sergej Milinkoviç-Saviç. Klaudio Lotito lë të kuptohet se 23-vjeçari ka kërkuar largimin. Shton se ndryshe nga vitet e kaluara këtë herë nuk e ndalon dot yllin serb.
“Vitin e kaluar pata guximin të refuzoja disa oferta të rëndësishme për Milinkoviç-Saviç. Këtë vit pas konsultimit me lojtarin dhe stafin e tij dhe për atë që ai ka treguar, unë kam pak armë në dispozicion për të ndaluar ikjen. Ai dëshiron të plotësojë ëndrrat e tij dhe pritja për këtë ka marrë fund”, deklaroi Lotito.
