Klubi i Skënderbeut ka reaguar pak orë pas përhapjes së lajmit të një kërkesë dorëheqje të trajnerit Orges Shehit. Me anë të një postimi në fazen zyrtare në “Facebook”, korçarët përgënjeshtrojnë lajmin dhe akuzojnë se medie të caktuara kërkojnë të krijojnë përçarje në ekip.
Në komunikatë adresohet dhe problemi i raportit me tifozët, të cilët gjatë javëve të fundit kanë qenë të pakët në stadium, ndërkohë që pas rezultateve negative ka pasur dhe akuza ndaj klubet në rrjetet sociale.
“Momenti i delikat që po kalon skuadra duhet kaluar me qetësinë e treguar nga klubi përgjatë dekadës së fundit dhe për këtë duhet mirëkuptim dhe mbështetje nga tifozët”, shkruhet në njoftimin e Skënderbeut.