Trajneri i Liverpulit, Jurgen Klop ka folur për mediat britanike pas ndeshjes kundër Sauthempton, ku mbrojtësi Virxhil Van Dajk luajti si një “ish”. I pyetur pikërisht për shtatlartin holandez, Klop tha se aftësitë e tij kanë qenë në pah që kur luante për “shenjtorët” dhe ai nuk ka merita që holandezi është një nga mbrojtësit më të mirë në botë për momentin:
“Nëse paguan aq shumë para sa paguam ne për Van Dajk, duhet të jesh plotësisht i bindur, 100% i bindur që është vendimi i duhur. Van Dajk ka qenë një lojtar cilësor dhe te Sauthempton, prandaj dhe ne shpenzuam për ta marrë.
Nuk dua të marr unë merita, pasi nuk i kam thënë asgjë tepër. Bëj formcacionin dhe e hedh në fushë, tjerat i bën vetë. Normale që ndeshje pas ndeshje, një lojtar përmirësohet, por kualitetet që ka tani, i ka pasur dhe te Sauthempton”, tha Klop.