Emanuel Mensah për herë të parë provoi Superioren me Laçin dhe ndihmoi kurbinasit të shpëtonin nga rënia prej Superiores, ndërkohë që në verë zgjodhi t’i bashkohej Partizanit pas një aventure jo të mirë në Greqi. Me “demat” sulmuesi ganez doli kampion dhe së fundmi ai ka zbuluar një tjetër talent tijin.
Në emisionin “E Diell” në Top Channel, ku Mensah ka qenë i ftuar së bashku me pjesën tjetër të ekipit, ka treguar se edhe mund të këndojë. Mirë apo keq, u mbetet artistëve ta vlerësojnë. Lauren Daigle, autore e këngës “Trust In You” që Mensah këndon, do duhet të japë një notë.
Jurgeni Bardhi, një nga miqtë e tij më të mirë në ekip, e ngel në klasë, teksa komenton: “Katastrofë”. Një tjetër i shkruan: “Luaj futboll vëlla, mendoj se është më mirë”. Ka edhe nga ata që i bëjnë qejfin: “Zëri më i bukur mashkullor”.