Kartoni i kuq i marrë nga Diego Kosta fundjavën e kaluar në ndeshjen Barcelona-Atletiko Madrid, ishte një ndër ngjarjet më të komentuara. Sjellja dhe ofendimet e spanjollit ndaj arbitrit Zhil Manzano ishin të papranueshme dhe për këtë arsye ky i fundit e ndëshkoi me karton të kuq.
Lidhur me këtë incident, pritej dhe një vendim nga gjykata e arbitrazhit spanjoll, që ka ardhur ditën e sotme. Diego Kosta është dënuar me plot tetë ndeshje pezullim, duke mbyllur kështu sezonin aktual. Një dënim mjaft i rreptë për sulmuesin 30-vjeçar.