Kamza-Kukësit: Këto lloj golash nuk do pësohen më!

Kamza dhe Kukësi e kanë nisur betejën e tyre në rrjetet sociale. Verilindorët postuan sot një video me golat që i kanë shënuar skuadrës periferike të kryeqytetit në dy sezonet e fundit, ndërkohë që tanimë ka një reagim.

Klubi i Kamzës, përmes një postimi në faqen zyrtare në “Facebook”, i dërgon një mesazh Kukësit: “E garantojmë Kukësin së ‘këto lloj golash nuk do të pësohen më në Kamëz…”. Gjithçka lidhet me golin e shënuar prej brazilianit Elton Kale nëntorin e shkuar.

Sulmuesi anësor i merrte një top portierit Argent Halilaj dhe gjyqtari i ndeshjes Kridens Meta nuk akordonte faull. Pati kontestime të shumta asokohe, por goli u konsiderua i rregullt.