Ditën e djeshme u përfol disi që Juventusi e kishte gjetur trajnerin e ri dhe emri ishte një bombë e vërtetë, teksa në skenë doli Pep Guardiola. Fillimisht, gjithçka u duk si spekulim merkatoje, por ditën e sotme në Itali e përforcojnë akoma më shumë, madje raportohen edhe detaje…
Mëngjesin e sotëm, disa media në Itali kanë raportuar se Guardiola dhe Juventus kanë arritur marrëveshjen dhe se spanjolli do të firmosë me 4 qershor. Prezantimi i tij do të bëhet në datën 14 qershor.
Oferta e Juventusit është e çmendur, me Guardiolën që pritet të bëhet trajneri më i paguar në Botë, teksa do të përfitojë 24 milionë euro në sezon, me kontratën që do të jetë 4-vjeçare. Thënë ndryshe, për qëndrimin e tij në Torino, tekniku spanjoll do të përfitojë plot 96 milionë euro.