Juventusi ishte një ndër klubet më aktiv në merkaton e verës, për sa i përket hyrje-daljeve. Tashmë, në prag është merkatoja e janarit dhe klubi bardhezi është përqendruar më së shumti në ruajtjen e kontingjentin. Aleks Sandro është një ndër lojtarët më të kërkuar të “zonjës së vjetër” dhe për këtë arsye, ditën e sotme drejtuesit bardhezi kanë “blinduar” mbrojtësin.
Pak momente më parë, Juventusi zyrtarizoi rinovimin e mbrojtësit brazilian, i cili zgjati kontratën e tij deri në vitin 2023. Aleks Sandro, u transferua në Torino, verën e vitit 2015 për shumën e 26 milionë eurove. Paraqitjet e tij me fanellën bardhezi, e shndërruan 27-vjeçarin në një ndër më të kërkuarit në prag të merkatos, por tashmë duket se çdo gjë është konfirmuar dhe e ardhmja e Sandros do të jetë në “Allianz Stadium”.
UFFICIALE | Alex Sandro sarà bianconero fino al 2023 ?????
?? https://t.co/4iAzIT1UAd#FinoAllaFine #ForzaJuve pic.twitter.com/4pqd0yAUdV
— JuventusFC (@juventusfc) December 20, 2018