Zhoao Feliks është padyshim emri dhe ylli i momentit. Portugezi po mahnit me paraqitjet e tij me fanellën e Benfikës dhe ka tërhequr vëmendjen e klubeve më të mëdha evropiane, një prej të cilëve është edhe Juventusi.
Bardhezinjtë duket se kanë nisur të lëvizin menjëherë për të siguruar shërbimet e talentit dhe ka një avantazh të madh. Ai quhet Horge Mendes, agjenti i njohur, i cili ka si klient edhe Zhoao Feliks.
Juventusi njihet për marrëdhëniet e mira që ka me agjentin, i cili solli në Torino në verë edhe Kristiano Ronaldon e Zhoao Kanselon. Drejtori i “Zonjës së vjetër”, Fabio Paratiçi raportohet se do të ketë një takim me drejtuesit e Benfikës, me portugezët që kërkojnë 120 milionë euro për xhevahirin e tyre.
Një tjetër avantazh për Juven pritet të jetë edhe Kristiano Ronaldo, pasi Feliks do ta pëlqente shumë një ide për të luajtur përkrah bashkombasit të tij.