Kualiteti dhe cilësitë e Iskos nuk vihen në dyshim, por lojtari është shumë pranë largimit nga Reali i Madridit. Mesfushori me tipare ofensive ka një raport të ngrirë me Santiago Solarin dhe ka nisur si titullar vetëm tre nga 16-të ndeshjet e fundit.
Mundësitë e largimit të 26-vjeçarit nga “Los Blancos” janë rritur shumë së fundmi dhe bastet sportive e kuotojnë me koeficientin 2.5 largimin e tij në janar.
Ekipi që ndodhet pranë sigurimit të shërbimeve të spanjollit është Çelsi me një koeficient 2.63, ndërsa pas “Bluve të Londrës” renditet Mançester Siti me koeficientin 17.