Idrizi kundër vendimit për të huajt, Duro pro datës së nisjes

0

Për vendimet e djeshme të Komitetit Ekzekutiv në Federatën Shqiptare të Futbollit, ka pasur reagime edhe nga klubi i Flamurtarit, që shpesh ka pasur replika me këtë institucion. I pari ka folur administratori Sinan Idrizi, por vetëm për çështjen e të huajve, duke u deklaruar totalisht kundër: “Ne e kemi ngritur gjithmonë çështjen e futbollistëve të huaj, duke bërë edhe kërkesë zyrtare në FSHF për rritjen e numrit të të huajve në fushë. Kemi kërkuar që të paktën të jenë 6 të huaj në fushë, por FSHF-ja nuk e ka ndryshuar rregullin dhe tani duhet të pranojmë vendimin e saj. Të paktën tani nuk llogariten të huaj futbollistët shqiptarë nga Maqedonia”, – u shpreh Idrizi.

NISJA E KAMPIONATIT – Për datën zyrtare të nisjes së kampionatit ka folur trajneri i Flamurtarit, Shpëtim Duro, i cili tha se vendimi i FSHF-së ndikon për mirë te skuadra e tij: “Për ne është mirë që kampionati të fillojë më 9 shtator. Këtë e them për faktin se Flamurtari është një skuadër e ndërtuar nga e para dhe iu duhet kohë që të konsolidohet. Më vjen mirë për faktin që lojtarët shqiptaro-maqedonas nuk do të llogaritjen më si të huaj. Këtë kërkesë e kam bërë personalisht më parë në FSHF”, – theksoi trajneri i vlonjatëve, Duro.

You might also like

Leave A Reply

Your email address will not be published.