Gavazaj: Ky Kukës ia del, ja pse vendosa të rikthehem në Superiore

Enis Gavazaj ka qenë një ndër përforcimet më të bujshme të merkatos së verës. Mëngjarashi kaloi një vit për t’u harruar pas huazimeve në Rusi e Bjellorusi, por me rikthimin në Kategorinë Superiore, Gavazaj shpreson të kthehet ai i mëparshmi.

Në një intervistë për “Supersport”, 24-vjeçari u shpreh optimist për të ardhmen me klubin verilindor dhe  zbuloi arsyet që e shtynë që të rikthehej në Shqipëri.

“Më bindi projekti i klubit. Kukësi është ekip që synon trofe dhe kjo më bindi që të rikthehem në Superiore. Disa prej djemve i njoh, besoj se do krijojmë një grup të mirë e do kemi sukses, pasi për këtë kemi ardhur të gjithë këtu. Besoj se do ia dalim të arrijmë objektivat e klubit”.