Masimilano Alegri u largua nga Juventusi pas plotë 5 vitesh. 5 sezone të suksesshme për trajnerin italian në krye të bardhezinjve, por dëshimet në Champions League bëri që drejtuesit e “Zonjës” të shikonin për të tjera alternativa.
Alegri ka thënë fjalët e para pas largimit të tij nga Juventusi. I pyetur për të ardhmen e tij, strategu italian u shpreh: “Tani do iki në shtëpi, pastaj në plazh. Jeta kështu është. M’u deshën 5 vite që të ndërtoj atë skuadër, jo gjashtë muaj, prandaj them se do të bëj ca pushime”.
Ndërsa sa i takon pasardhësit të tij te Juventusi, Alegri tha: “Nuk di ndonjë emër konkret, por një trajner i madh duhet të ulet në stolin e këtij klubi të madh”, përfundoi ish-numri një i pankinës bardhezi.