Merkatoja tashmë ka hyrë në fazat e saj të nxehta, sepse klubet po nisin të hedhin milionat për lojtarët që dëshirojnë në treg.
Dje sulmuesi Romelu Lukaku u transferua nga Evertoni te Mançester Junajtid për 75 milionë sterlina. Natyrisht, pjesë e planit të Junajtid dhe Evertonit ka qenë edhe Runej, i cili menjëherë është lënë i lirë nga Junajtid, që i ka bërë një dhuratë lojtarit, edhe pse duhet theksuar se ish-kapiteni i “Djajve të kuq” fitonte mbi 14 milionë sterlina në sezon dhe tani Junajtid i ka kursuer.
Uejn Runej është kthyer tek Evertoni, ku është prezantuar zyrtarisht sot. Bëhet fjalë për një kthim në shtëpi për sulmuesin 31-vjeçar, i cili është rritur tek Evertoni dhe në vitin 2004 u transferua tek Mançester Junajtid, për 27 milionë sterlina.
14 vite të shkëlqyer për Runejn në Mançester, me 393 ndeshje e 183 gola, por sezonet e fundit ishin një rënie konstante dhe sulmuesi ishte kthyer në një barrë për sulmin e “Djajve të kuq”.
? | We’re delighted to bring @WayneRooney back to #EFC! He signs from @ManUtd, 2 year deal. #WelcomeHomeWayne
?? https://t.co/mHFaK7eQA9 pic.twitter.com/8N5nYvnezU
— Everton (@Everton) 9 luglio 2017
Nga 1.2 milionë sterlina në muaj që merrte në Mançester, Runej tani do të marrë 600 mijë sterlina në muaj. Aspak keq.