Dëshira e lojtarit dihet, por tashmë që në Angli është mbyllur merkato, zor se Çelsi do të heqë dorë nga një lojtar si Eden Hazard. Oferta, nëse është reale gjithmonë, është e çmendur. “Express” në Angli raporton se Reali i Madridit ofron 200 milionë sterlina.
Gjithçka varet nga londinezët dhe trajneri Maurizio Sarri nuk dëshiron në asnjë lloj mënyre t’i largohet nga ekipi një lojtar i kalibrit të Hazard. Ky i fundit shihet si pasuesi i Kristiano Ronaldos, i cili u shit te Juventusi këtë verë.
Mes klubeve së fundmi ka pasur një marrëveshje për Kurtua, i cili kaloi nga Çelsi te Reali për rreth 40 milionë euro. Edhe Hazard dëshiron të ndjekë të njëjtën rrugë. Ky operacion merkatoje do tentohet të kryhet brenda kësaj jave.