Ditët e fundit bëri bujë të madhe një ofertë e PSG-së në drejtim të Napolit për mesfushorin brazilian Alan. Francezët ofruan plot 80 milionë euro për kartonin e lojtarit, por duket se të kaltrit e kanë refuzuar ofertën e majme.
Vetë Ançeloti, një ditë më parë pranoi përpara mediave se Alan do të vijojë të jetë një lojtar i Napolit dhe se nuk do të largohet nga Italia. Gjithsesi, gjigantët e PSG-së duket se nuk kanë ndërmend të dorëzohen dhe duke parë forcën ekonomike që kanë, ekipi i De Laurentis do ta ketë të vështirë të rezistojë.
Sipas raportimeve të fundit nga “Tuttosport”, ekipi francez ka gati një ofertë marramendëse. 100 milionë euro në tavolinë për Napolin, nje shifër e çmendur. Por, çmenduria e parizienëve nuk mbaron këtu, pasi ofrojnë për lojtarin plot 8 milionë euro në sezon, plus bonuse. Topi kalon në krahun e Napolit dhe Alan tani…