Kristof Piatek ka përfunduar në radarët e klubeve më të mëdha në Europë. Sulmuesi polak i Xhenoas po shkëlqen në Serie A dhe normalisht kjo ka bërë që të ketë interes për të.
Të realizosh sa ai në një kampionat mjaft të vështirë ka domethënie të madhe dhe Barcelona është një nga klubet që e kërkon sulmuesin 23-vjeçar. Tanimë është bërë një hap përpara nga spanjollët.
Mundo Deportivo shkruan se Areido Braida do të fluturojë drejt Italisë për ta parë nga afër Piatek. Ai ka zgjedhur një ndeshje jo të lehtë, atë të së shtunës që Xhenoas e luan kundër Juventusit. Roma dhe Napoli e kanë gjithashtu nën vëzhgim sulmuesin.