Vonesa e Timue Bakajoko në stërvitjen e ditës së djeshme shkaktoi një tërmet të vërtetë në ekipin e Milanit, me Gatuzon që dënoi të gjithë ekipin me grumbullim deri në ditën e ndeshjes ndaj Bolonjës.
Franezi u vonua më shumë se një orë, por arsyeja e vonëses nuk u mor vesh kurrë, të paktën deri disa çaste më parë. Bakajoko, i pyetur nga “calciomercato.com”, ka zbuluar arsyen e vonesës. Mesfushori tha se makina e tij kishte mbetur pa karburant.
Besojeni apo jo, kjo ishte arsyeja që dha 24-vjeçari. Të jesh një ndër lojtarët më të paguar në Serie A dhe të justifikohesh me faktin që makina mbeti pa karburant, ndoshta Bakajoko nuk e ka menduar të marrë një taksi ose të telefonojë klubin për të justifikuar vonesën…