Në Spanjë po flasin për ditësh për një interesim të Barcelonës për mbrojtësin e Bajernit David Alaba. Austriaku është ndër ato mbrojtës që çdo trajner do të donte ta kishte në dispozicion, por për fatin e keq të Ernesto Valverdes transferimi është i pamundur.
27-vjeçari ka dhe dy vite të mbetura në kontratë dhe te Bajerni nuk kanë ndërmend të shesin, të paktën jo këtë merkato vere. Alaba shikohet si titullari i padiskutueshëm te bavarezët, ndërsa blerja rekord Lukas Hernandez do të luajë vetëm në qendër të mbrojtjes, duke mos rrezikuar vendin e Alabës.
Lajmi bëhet i ditur nga e përditshmja gjermane bild, që ndër të tjera ka zbuluar se kontakti midis Barçës dhe lojtarit filloi nga kompania që menaxhon austriakun dhe jo nga klubi katalanas.