Ish-lojtarë të Mançester Junajtid dhe Bajernit të Mynihut u mblodhën sot në stadiumin “Old Trafford” për të zhvilluar një takim miqësor për të përkujtuar përballjen e këtyre dy skuadrave në finalen e vitit 1999 të Champions League.
Ashtu si një 20 vite më parë, “Djajtë e Kuq”, dolën sërish fitimtarë. Rastësia e solli që Ole Gunar Solskjaer të shënonte sërish, por kësaj radhe shënoi golin e parë të takimit. Pas norvegjezit radhën për të shënuar e morën Jork, Niki Bat dhe Luis Saha. Qershia mbi tortë ishte goli i fundit i takimti nga Dejvid Bekam, i cili vazhdon të tregojë klasin e tij.
Në bankinë nuk mungoi legjenda e gjallë Sir Aleks Ferguson, i cili duket se e ka marrë veten plotësisht nga operacioni i bërë në tru gjatë vitit të kaluar.
Mançester Junajtid 5-0 Bajern Mynih
Shënues: Solskjaer, Jork, Bat, Saha, Bekam
