Edhe pse kanë qarkulluar si lajme dhe gjithçka ka qenë e sigurt, afrimi i Shalës dhe largimi i Frashërit janë zyrtarizuar edhe nga klubi i Kamzës.
Skuadra periferike e kryeqytetit ka zyrtarizuar gjithçka në platformën “Facebook”. Frashëri është larguar si lojtar i lirë drejt Teutës, ndërsa Shala ka ardhur në formë huazimi.
Mbrojtësi 27-vjeçar do të kalojë pjesën e mbetur të sezonit te Kamza, ku do të mbulojë fashën e majtë të mbrojtjes. Shala ka eksperiencë në Superiore, pasi më parë ka mbrojtur ngjyrat e Laçit.
