Teuta ka qenë një ndër ekipet surprizë të këtij sezoni. Skuadra durrsake i ka mbyllur gjysmën e parë të sezonit në vendin e tretë me 33 pikë, 4 më pak se Partizani i vendit të parë. Në një intervistë për “Supersport”, trajneri i Teutës, Bledi Shkëmbi, ka folur për ecurinë e ekipit deri më tani dhe planet e merkatos.
ECURIA NË RRITJA – “Ekipi bëri më shumë kohë bashkë dhe lojtarët njohën njëri tjetrit, por nuk diskutohet edhe fatin bëri të vetë. Në fakt në verë nuk e menduam ndonjëherë se sa pikë duhet të ishim larg vendit të parë. Synimi kryesor ishte të merrnim lojtarë të mirë dhe të krijonim një grup të mirë. Për momentin jemi brenda objektivin që janë kupat e europës”.
“Duke luajtur me kundërshtarë të fortë, që synojnë titullin kampion si Kukësi, Skënderbeu apo Partizani, kemi treguar që jemi të barabartë. Nuk dua të them se kemi qenë në ndonjë moment edhe më lart, por kemi qenë të barabartë. Në fund do të shohim se ku do të arrijmë.”
RAPORTI ME DREJTUEIST “Kur ka rezultate të mira, normalisht që gjërat shkojnë mirë. Por, edhe momentet e vështira drejtuesit e klubit na kanë mbështetur. Kjo që ndodh nuk është diçka momentale, pasi po mendohet për shumë gjatë dhe ne si staf po mundohemi t’i japim një dorë klubit, duke synuar kualifikimin në kupat e Europës”.
“Merkato? Frashëri është i joni tashmë. Sa i takon Arapit, jemi në bisedime. E sigurt do jetë kur të nisë stërvitje me ne. Për momentin nuk është i joni. Ne do shohim dhe nëse do ketë lojtarë shumë cilësorë, atëherë mund të marrim ndonjë, në kundërt e kam thënë dhe më parë që jemi mirë këta që jemi tani”, përfundoi Shkëmbi.