Borusia e Dortmundit fitoi 2-1 në fushën e Grojter Fyrtit për Kupën e Gjermanisë dhe e ka nisur me fitore sezonin e ri, por problemet në këtë ndeshje të parë ishin të shumta.
Mungesa e një sulmuesi të vërtetë është problemi i parë madhor, edhe pse të verdhët i shënuan dy gola dhe i dhanë një start me sukses trajnerit Lusien Favre.
Dortmundi kontrolloi lojën dhe pati disa raste për gol në fillim të ndeshjes, aq sa u duk se do ishte një fitore e lehtë, por Fyrti nuk e mendonte kështu dhe rezistoi, duke gjetur edhe golin e avantazhit në minutën e 77-të.
Megjithatë, kapiteni Marko Rojs shpëtoi Dortmundin, sepse në minutën e 95-të dha pasimin për golin e parë si lojtar i Dortmundit për Aksel Uitsel, i futur në pjesën e dytë. Supergol nga belgu, blerje e shkëlqyer. Më pas, në shtesa portieri Byrki evitoi katastrofën, para se në minutën e parë matanë minutës së 120-të vetë Rojs shënoi golin që shmangu lotarinë e penalltive.
Il Borussia Dortmund si salva miracolosamente in Coppa di Germania: il sogno del Greuther Fürth svanisce all'ultimo respiro, Witsel e Reus bruciano il cronometro al 95' e al 120' ? pic.twitter.com/1LYNpkN5aT
— Goal Italia (@GoalItalia) August 21, 2018
KUPA E GJERMANISË / TURI 1
Grojter Fyrt 1-2 Borusia Dortmund (sht.)
(Ernst 77′ — Uitsel 95′, Rojs 121′)