VIDEO | Vinicius i bën të gjitha, supergol dhe karton i kuq

Reali i Madridit po kalon ndoshta momentin më të keq në histori, teksa po përjeton një ndër nisjet më të këqija të sezonit. Humbja e ditës së djeshme në shtëpi ndaj Levantes konfirmoi akoma më shumë krizën tek madrilenët, të cilët kanë grumbulluar 14 pikë pas 9 javësh.

Ndërkohë nga ana tjetër, blerja e bujshme e verës, Vinicius Zhunior vijon me formën e mirë me ekipin e dytë të Real. Ditën e sotme braziliani ishte protagonist absolut, në barazimin 1-1 në fushën e Selta Vigos B, teksa shënoi një supergol në minutën e 83-të dhe vetëm tre minuta më pas u ndëshkua me kartonin e dytë të verdhë, duke lënë të tijtë me 10 lojtarë.

Vinicius kështu ngjitet në kuotën e katër golave me ekipin e dytë të Realit, ndërsa për ekipin e parë ende nuk ka debutuar si titullar. Në sfidën e djeshme ndaj Levantes, braziliani nuk ishte i grumbulluar me ekipin. 18-vjeçari u ble nga Flamengo për shumën e 45 milionë eurove.

Leave a Reply

Your email address will not be published. Required fields are marked *